هع هع هع نكت بس ايش والله ما تقدر تسكر عنيك

النكته الثانيه:-
واحد ضخم جدا و قوى جدا متجوز بواحده بتخونه مره راح مشوار و قال لها سوف اتأخر شويه اليوم ما تقلقيش عليا ... قالت له اقلق ايه يا اسدى براحتك على الاخر ... و اتصلت الزوجة الخائنه بثلاثة من عشاقها ليقضوا يوم معا يفعلو ما حلى لهم ،،، فرجع الزوج باكر لعدم اتمام مهمته التى كانت سوف تاخره ... و زوجها طالع على السلم سمعت صوته فقالت لعشاقها الثلاثة اختبئوا بسرعة لحسن جوزى حيقطعكوا و يموتنى ،،، فما كان من الثلاثة الا الاختباء سريعا و ما وجدو غير اجوله فاضية قالوا و مالو مش احسن من الموت ،،،، فدخل الزوج الي شقته فرحبت به زوجته الخائنه و قالت له رجعت بدرى ما اتاخرت فقال لها الراجل صاحب العمل حرق دمى قولت اروح احسن ، فسمع شبه صوت فى المطبخ فقال لها انتى عندك حد و لا ايه يا ست فسكتت و خافت فدخل المطبخ فشاهد ثلاث اجوله ملقاه على الارض فقال لزوجته ما هذا يا ست فقالت له دى هدية من اهلنا بعتوهالنا النهارده بعد ما نزلت ، فقال لها جايبين ايه يا ترى فقام بضرب الجوال الاول بقدمه ليعرف ما به فقال الذى بداخله كاك كاك ففرح الزوج و قال ناس بتفهم بط يا سلام هو ده الاهداء و لا بلاش ، و قام بضرب الجوال الثانى بقدمه فقال الذى بداخله كو كو كو فقال الزوج فراخ لا دى الناس دى تمام فذهب الى الجوال الثالث و الاخير فضربه بقدمه فلم يسمع اى صوت فضربه مره ثانيه بقدمه و ثالثة و رابعة فلم يسمع صوت فضرب الجوال ضربه قويه جدا جدا ، فقال الذى بداخله بطاطس ، بطاطس يخربيت اهلك يا راجل كل ده ضرب بطاطس هى البطاطس ليها صوت يا اهبل




النكته التالته
واحد بلدياتنا في جيبه ربع جنيه..
قال:
قدامي حل من اتنين يا أشرب بيه عصير قصب
يا إما أركب بيه الأوتوبيس

لو شربت عصير قصب مفيش مشكلة لكن لو ركبت الأوتوبيس في حاجة من اتنين
يا أقعد يا أقف

لو وقفت مفيش مشكلة لكن لو قعدت حاجة من الاتنين:
يا أقعد جنب راجل يا أقعد جنب ست

لو قعدت جنب راجل مفيش مشكلة لكن لو قعدت جنب ست يبقا حاجة من الاتنين:
يا هنعجب ببعض يا مش هنعجب ببعض

لو ما أعجبناش ببعض مفيش مشكلة لكن لو أعجبنا ببعض يبقا حل من انتين:
يا نتجوز يا منتجوزش

لو ما اتجوزناش مفيش مشكلة، لكن لو اتجوزنا يبقا حاجة من الاتنين:
يا نخلف يا منخلفش

لو مخلفناش مفيش مشكلة لكن لو خلفنا يبقا حاجة من الاتنين:
يا ولد يا بنت

لو بنت يبقا مفيش مشكلة لكن لو ولد يبقا حاجة من الاتنين:
يا هينحرف يا ما هينحرفش

لو ما انحرفش مفيش مشكلة لكن لو انحرف يبقا حاجة من الاتنين:
يا هيدمن يا ما هيدمنش

لو ما أدمنش يبقا مفيش مشكلة لكن لو أدمن يبقا حاجة من الاتنين:
يا هيكون معاه فلوس أو يكون معهوش

لو معاه يبقا مفيش مشكلة لكن لو معهوش يبقا حاجة من الاتنين:
يا هيسرقني يا هيقتلني

لو سرقني يبقا مفيش مشكلة لكن لو قتلني يبقا
.
.
.
.
.
.
.
.
.
.
.
يا نهار اسود
يقتلني؟!!!!!!!!
لا يا عم أنا هشرب عصير قصب أحسن.
===